日本當紅組合嵐嘅33歲成員二宮和也,先後搭上長澤正美、佐佐木希等女星,近日佢被爆秘密發展新戀情,其女友竟然係現年35歲嘅女主播伊藤綾子,更盛傳兩人好事近隨時閃婚,不過尊尼事務所當然唔會輕易放人。
今日出版雜誌《女性Seven》報道,二宮和也12年8月亮相NTV台資訊節目《new every.》時認識伊藤綾子,不過14年5月,伊藤綾子等一眾美女主播上綜藝節目《VS嵐》先至正式撻著,有指當時雙方交換聯絡後開始私下見面,繼而發展成為情侶。該雜誌亦指,伊藤綾子會定時定候到男友家打掃及下廚,更被拍得多次出入二宮嘅豪宅,可見已發展到半同居嘅親密關係。
二宮同伊藤綾子嘅感情越來越穩定,女方喺Blog上大曬左手嘅戒指,相信就係男友送嘅訂情戒指,伊藤綾子仲帶埋二宮見家長,加上伊藤綾子於去年11月初宣傳個人散文集時,被問到幾時嫁人,佢笑言:「好想呢。有冇人娶呢?」伊藤綾子多次寫Blog暗示拍拖,而且恨嫁亦恨到出曬面,引起唔少二宮Fans不滿,今日更喺網上鬧爆伊藤充滿心計。對於伊藤綾子形象健康亦有學識,未知事務所會否開綠燈讓兩人繼續發展,不過亦有人擔心戀情曝光後,尊尼事務所會向NTV施壓,隨時棄用冇合約在身嘅伊藤。
心得:二宮和也初看時外型一般,但演技越來越好,可見是對自己有要求的藝人。
[attach]114952845[/attach][attach]114952846[/attach][attach]114952847[/attach][attach]114952848[/attach][attach]114952849[/attach][attach]114952850[/attach][attach]114952851[/attach][attach]114952852[/attach]
歡迎光臨 伊莉討論區 (http://swww.eyny.com/) | Powered by Discuz! |